張繼聰喺疫情下較清閒，近日頻頻幫老婆謝安琪（Kay）操刀影寫真相，其中嗰輯白色水著靚相，喺老公視角下，就算43歲嘅Kay都充份發揮少女味，獲唔少網民激讚。

 

今次輪到張繼聰變做主角，束辮、着住背心，喺大埔屋企入面做緊運動嘅阿聰背向鏡頭，雖然見唔到完美鋼條肌，但肩膊及手臂線條就好強，相當精壯。他留言說：「𠵱段時間，唔可以去gym ,目標只有一個，就係唔好縮水縮太多...雖然都係縮咗水，不過安全同健康最緊要，慢慢再嚟過！」網民大讚他有健碩嘅背影、有巨人feel、好勁、有人追問他係咪肌肉型縮做精壯型？不過都有人將焦點轉移喺豪宅及景觀方面，留說：「你間屋企真係好正、個天好靚、張豪宅、我望到觀音像……」