黃翠如自03年入行做有線娛樂新聞台主播以來，一直都留住長長頭髮，就算轉做旅遊節目主持，之後到TVB主力拍劇，長髮造型一直冇變過，不過呢日翠如貼出新相，佢好瀟洒咁搖住及膊長度嘅頭髮新造型，並留言：「一點小改變。」其實之前一日，翠如已經預告，她貼出束住馬尾的黑白相，寫道：「這個我，的最後一天。」不過，翠如決定剪斷煩惱絲，應該唔係有咩煩惱，反而係為新劇《七公主》做準備，據知劇中她將會演律師，可能想睇落硬朗啲，所以決定剪短頭髮配合角色。