太極樂隊主音雷有輝（Patrick）於網上宣佈將於8月在戲曲中心開兩場騷，似乎有感近日香港疫情減退漸露曙光作出的決定。

Patrick在片中說：「大家好，今日宣佈一個好消息畀大家聽，小弟會喺8月15日及16日兩日喺呢戲曲中心開兩場騷。嘩，開心呢？我就開心啦，開心之餘我就頭痛緊，頭痛要搵好多唔同嘅同樂手同埋歌單。大家想聽我唱啲咩歌，又或者除咗唱歌外，又想睇我做啲乜，都可以喺樓下呢個留言畀啲意見我。」跟著他唱出陳百強《念親恩》、許志安《流淚行勝利道》和張國榮《怪你過份美麗》，先騷Quali。