47歲古巨基去年底喺美國秘密「升呢」做新手爸爸，太太陳英雪（Lorraine）50歲高齡誕下兒子Kuson，成功為古家傳宗接代，基仔梗係錫到她燶。今日是Lorraine首次以媽咪身份慶祝母親節，基仔喺instagram公開全家福，平日低調，只做基仔背後女人的Lorraine終於現身。見她精神飽滿，流露住幸福笑容，一家三口連眼神、反應都一致，sweet到爆。Kuson可愛又靚仔，面圓圓，下巴尖尖，尤其雙眉最趣緻。

基仔留言說：「成為了父親，更知道母親的偉大。今年是太太初為人母的第一個母親節，感謝太太的一切，願天下的兒女們都孝順父母。祝各位媽媽母親節快樂，身體健康。#我個仔心諗爸爸你下次錫我可唔可以剃鬚先呀 #有冇人同我一樣見到Kuson塊肥臉仔就忍唔住想輕輕搣下佢呢 #真係每日都要搣下㗎。」

唐詩詠祝母親節快樂同時，留言：「終於肯出鏡(Lorraine)啦！」而阿Sa亦有留意到Kuson條眉說：「條眉好得意。」