阿Sa(蔡卓妍)「餅印母女」昨日喺母親節又「合體」，阿Sa上載攬實Sa媽相，兩母女連笑容、眼神都一致，似足Twins，阿Sa留言：「母親節快樂！祝我平安喜樂健康，因為呢個係我媽咪最大嘅心願，而我都同我媽咪一樣，只要佢平安喜樂健康就夠了#ilovemymum #happymothersdaytoallthemothers」好姊妹容祖兒指兩人係餅印；經理人霍汶希大讚兩個美女；周勵淇卻質疑問：「為甚麼感覺Auntie比你還年青？」甚至有人搞笑留言說：「祝你妹妹母親節快樂！」