林作自2017年放棄執業大律師資格後轉行做藝人、補習名師、專欄作家等。今年3月宣佈撈過界做埋保險達人，雖然新冠肺炎打擊各行各業，但林作似乎唔受影響，仲撈乜都掂。他強調冇依靠母親任何關係，自爆單喺21日內開咗72萬多首年保費生意，賺到25萬，又話做保險好好玩，同追女仔好類似，要將對牛彈琴變得主動，又要猜測對方心理。

 

除此之外，最近他又於Instagram（Ig）開二手名牌店，不時更新貨品，當中主要出售自己、母親、富二代及名媛朋友的貨品，包括手袋、首飾、鞋履、服裝等，仲火速Sold！林作自稱「已賣出100萬的貨品」，反應熱烈。今日凌晨，他更放片牙擦擦說：「各位，經過一個月苦心經營，一個月內淨利潤達到20萬港元，對我嚟講搵錢真係冇難度，因為我出名，所以知道事實後，我決定隆重宣佈，將jolamchok2正式名命為林作站chokstation。」又笑言買嘢附送他祼照。