陳柏宇（Jason）接受網上平台訪談節目訪問，除了談及自己的事業夢外，也大曬與妻女之間的甜美生活。近年Jason人氣有增無減，不過他指未有做成太大壓力，唯一感到緊張的只有一次，「早兩年做紅館特別緊張，因為冇字幕機，同埋第一次做一萬人嘅show，所以嗰次壓力大啲。」很多藝人站在台上，都甚享受台下萬人歡呼一刻，但若然可以揀，Jason寧願不用做宣傳，留多些時間當幕後，無懼減少曝光。Jason說：「可以俾我喺幕後做下導演會好好玩。我唔係好識，但係可以邊做邊學，而且可以將自己累積返嚟嘅經驗變做一件事，都幾過癮。」想不到過去曾為自己的作品《七折》擔任導演的Jason，對導演工作的興趣如此濃厚。