呂慧儀（阿蟹）17年開始拍《愛·回家之開心速遞》演「熊若水」，一直拍得好開心，仲同一班演員拍檔個個做晒老友，仲傳埋同張景淳緋聞。呢日阿蟹又晒拍攝開心事，話說新一集一班主角好似韓國片《獸頭救兵》咁，都要扮晒動物演出，原來鏡頭後一班演員都唔覺得辛苦，仲好似細路咁玩，阿蟹當然係其中一個，她更一連兩日貼出拍攝花絮，自稱「老虎蟹」的她，雖然話件老虎衫好重好焗，但都留言：「拍開心速遞，係好開心嘅。」之後一日阿蟹再寫道：「熊家動物園，玩得好開心。」不少粉絲睇完呢集，都留言讚好，又話：「超級精彩的一集，由頭笑到尾」其實一班演員拍得開心又投入，觀眾自然睇得開心，難怪收視長期高企啦！