網絡時代KOL湧現，而且追隨者眾，好多建制派人士近日亦積極做政壇KOL，包括民建聯副秘書長、觀塘區議員顏汶羽，更為自己的節目「顏言顏語」請來「政壇巨星」。繼上次訪問立法會前主席曾鈺成，解構內會亂象，昨日又請來全國人大常委譚耀宗做嘉賓，講吓人大會議。

節目期間設「快問快答」環節，顏汶羽更畀難題譚耀宗，問對方「國歌法重要定廿三條重要」、「人大常委定立法會議員好做」，譚Sir快速作答：「兩樣都好重要」。被問到「中聯辦係咪我哋老闆」，譚Sir一句否認：「唔係老闆。」他解釋，中聯辦負責港澳工作，「老闆」名稱用錯了。

譚耀宗又分享了人大視像會議的體驗，說疫情下人大常委首次使用此方式開會，全國常委有四十多人採用，過程好認真，有鏡頭影住自己，投票都一定要舉手。不過他在首次使用時，曾發生小波折，早上突然連接不到網絡，令大家都好緊張，他立即致電秘書處求助，經調整後重現畫面，剛好趕及九點鐘開會。