鄭秀文（Sammi）雖然未為人母，不過卻形容自己係「另類母親」，因為視許志安飼養的狼狗Lucky，及她陪嫁英國短毛貓「肥Mike」如同子女一樣，照顧得無微火至。之前Lucky十五歲生日，Sammi送牠一個由雞肉飯及紅蘿蔔砌成的狗蛋糕，相當有心思。

 

由於Lucky年紀大，身體機能變差，行動力已經大大衰退，不能自如地坐下來及走路，經常行到一拐一拐的，舉步維艱，有時連想坐都吃力。幸而，Lucky有個好媽媽，Sammi不獨沒有放棄牠，更添置了一條後腳步行輔助帶，就算老狗行動不便，主人都可以用輔助帶牽引住狗狗後腿慢慢行。

 

昨日Sammi喺IG放了一段短片，片中她使用了狗狗後腿輔助帶，嚟帶住Lucky外出散吓步的短片，片中Lucky雖然行到喘晒氣，有點吃力，但都幾Enjoy有主人陪伴身邊，可以離開斗室，出外抖抖氣，而Sammi唔單止出力牽著Lucky後腿，更放慢腳步，陪住牠踏出每一小步，好有愛。Sammi還留言：「用了這條帶幫助Lucky走路，牠走路會減少辛苦和吃力，有用。（多謝網友們溫馨提示）每一天也在為每一步，努力著用力著。現在的牠，每一步都不是容易，但你做得很好啊！就像一個為生命而努力著的老人家啊！Lucky, I am so proud of you. #步行幾下都氣喘和需要坐下 #一坐下了就不能自己站起來了#後腿超沒有力了」不過，片中卻沒有許志安身影。

 

圈中好友方力申、鄭融、車婉婉、雷頌德、周家蔚、黎姿等都畀加油手勢，唔少fans大讚Lucky好叻仔，好感動。