近月受疫情影響，大部分電影拍攝工作都煞停，4位影壇小鮮肉朱鑑然、胡子彤、吳肇軒和林家熙趁未使開工，早前約埋一齊去行山執垃圾，非常有意義。昨日，眾人則於Instagram（Ig）出Po透露去了沙灘露營，朱鑑然和林家熙更自爆是人生第一次，而相中，看到他們又玩水又搭帳篷，4子夜晚仲圍住個火傾心事，真係好「Bromantic」！不過，事後朱鑑然苦呻好多蚊，還晒出畀蚊針到變「豬蹄」的小腿，他寫道：「第一次的露營。很感恩能跟你們一起經歷，一起畀蚊咬，一起畀海浪聲搞到完全無得瞓，一起早上游泳。請注意：香港是不適宜夏天露營的，現在我知道了。#camping #outdoors #咖啡要加奶 #結界 #吳肇氈 #營火」吳肇軒亦搞笑留言：「右腳16粒，左腳唔想數，我哋太好味。」未知他是在數自己的「戰績」，抑或咁得閒幫朱鑑然數呢？