因為抗疫停工，加上限聚令，做唔到Gym，落街跑步又要戴住口罩，圈中好多人都肥晒，十月紅館開Show嘅梁漢文都叫晒減命，因為佢肥咗好多，當事人坦言:「都幾大鑊。」

而方力申更歷史性去到180磅，堪稱最肥的小方，所以佢決定豁出去，實行30日攞你命大挑戰，務求盡早搣走脂肪。小方表示呢個大挑戰由今日開始至6月19日結束。「30日强心健身齊抗疫。歡迎大家隨時加入! 遊戲有獎有罰，如果當日做唔到，要拍懺悔片，post & hashtag #抗疫大大力 ! 獎勵，就當然係自己强而有力嘅body!」尋日佢就磅重同拍低自己嘅前後左右Body做記錄。