Jennifer為節目做「白老鼠」試酒精及「鑊底水」，而區永權表示對足兩個仔三個月,好彩冇影響父子關係。
岑杏賢有計劃同男友同居。
醫科畢業的郭田葰表示疫情期間化身「人肉診所」，收到好多朋友嘅「問診」短訊。
岑杏賢（Jennifer）及郭田葰今日出席《恐怖真相》記者會。
無綫新聞誤報復課日期，區永權亦「中伏」而在網上開帖求證。
日日留喺屋企同兩個仔一齊上堂，區永權自詡普通話及英文也變好。
Previous Next
岑杏賢（Jennifer）及郭田葰今日出席《恐怖真相》記者會，Jennifer為節目做「白老鼠」試酒精及「鑊底水」，更因試足7種「鑊底水」而嘔吐大作。她說：「唔同質料嘅鑊煲出嚟嘅水會唔同味，有啲係生鐵味，甚至有啲係坑渠味，真係飲到嘔！拍完節目即刻換晒全屋嘅廚具，連男友屋企嘅廚具都換晒！」講到同居就可以慳返一套，Jennifer答得爽快，「係呀！可惜已買咗兩套，我哋都有呢個計劃。」至於會否跟男友一齊買樓？她就說要從長計議。問到會否快過舊愛袁偉豪結婚？她說:「結婚唔應該同其它人比較快慢，我都唔知道佢係咪結婚。」