張栢芝絕對係個稱職媽咪，仲親自教Quintus量度體溫，準備返學。
栢芝好愛錫三個兒子。
Quintus好靚仔呀！
柏芝哄Marcus，連Quintus都笑埋一份。
金毛孻仔Marcus趣怪現身。
一早為兒子準備簡單早餐，有三文治及漢堡扒。
栢芝換好衫，準備湊仔返學。
Quintus體溫正常，可以順利返學。
展示為兒子準備好嘅「抗疫三寶」。
再三為兒子檢查書包。
張栢芝每日為兩子記錄體溫。
Previous Next
疫情緩和，中小學陸續分階段復課，謝霆鋒與張栢芝所生嘅兩名兒子謝振軒（Lucas）和謝振南（Quintus）就讀，位於沙田嘅基督教國際學校（ICS）今日亦告復課。栢芝亦一早起身，為小朋友返學做好準備。今朝六點幾，她喺IG放片說：「緊張媽媽，兒子開學的第一天，必須準備的東西。」

片中栢芝先為Quintus量度體溫兼做記錄，再教兒子如何使用耳朵溫度計，待兒子吃早餐時候，她重覆為兩個兒子檢查書包，確定帶齊書本、水壺及「抗疫三寶」兩個口罩、紙巾、消毒噴霧，呢個媽咪好細心，每袋更寫上兒子名字，她還用阿媽口脗叮囑Quintus：「記住用，唔好捽眼呀！」又再追問Lucas識唔識用耳朵溫度計？叫他試給媽咪看看，因為這是學校要求學生必須自備返學的東西。

接住栢芝進入衣帽間換衫準備送囝返學，而由房間落樓梯返回大廳途中，剛好遇上工人姐姐抱住金毛細仔，她興奮說：「又到細仔(孻仔)起身喇，哈哈！good morning！其實每朝半個小時之內，經已有好多嘢要準備，不過係好喜悅嘅，good morning BB！」片中見張栢芝抱住「小王子」張禮承（Marcus）笑晒口，引到Quintus都哈哈大笑，好歡樂。