兩公婆又趁機於520放閃晒甜蜜。
再度懷孕的陳凱琳都難掩喜悅！
鄭嘉穎與大仔Rafael合照。
8月便51歲的鄭嘉穎即將再做老竇都好開心！
陳凱琳於社交網公布喜訊，指大仔Rafael好快就要做哥哥！
陳凱琳貼出一家三口照，相中的她腹部已明顯微微隆起。
28歲的陳凱琳正式宣佈兩年抱兩，再度懷孕！
現年28歲的陳凱琳（Grace）與鄭嘉穎於2018年結婚，並於去年情人節誕下兒子鄭承悅（Rafael），前日就有消息傳出Grace兩年抱兩，再度懷孕！事後，鄭氏夫婦都一直沒有蒲頭否認，一班「鐡馬家族」兄弟姊妹則齊齊封口，好友唐詩詠日前仲好驚訝稱：「有冇咁快？沒可能！」殊不知趁住「520（我愛你）」這個甜蜜日子，兩公婆今日就分別於社交網正式宣佈喜訊，並貼出多張夫妻及「一家四口」的幸福合照，Grace寫道：「Rafa好快就要做哥哥啦~ 好開心可以喺『520』宣佈我哋家庭將會多添一個新成員！喺呢段日子好感激我老公嘅細心照顧，亦都要多謝屋企人同朋友幫我保守呢個秘密同時送上充滿愛嘅祝福畀我哋！感恩收到 @k11artus 呢份baby-staycation 嘅禮物～ 每朝起身可以行出露台，望住美麗嘅海景，真係好享受！希望BB出世之後同哥哥一樣咁健康，咁有活力！God Bless！（P.s. I really think Rafa is going to be an amazing big brother! Don’t you agree?）」
