趁今日係520咁特別日子，兩公婆撇低兩女出海浪漫吓。
片尾方媛有大特寫鏡頭。
方媛伏喺老公背部，好sweet。
城城載住老婆一臉滿足。
條片仲畫埋太陽圖案，可見兩公婆心情開朗，心情大靚。
之前一家三口罕有地公開出鏡。
54歲嘅城城幾時都咁型。
趁住今日係520一個特別嘅日子（國語有「我愛你」諧音），城城難得唔使開工，就帶著老婆出海玩水上電單車，二人世界過節，Moka貼出同城城出海短片晒恩愛，並留言：「祝大家2020 520快樂！水上畫個愛心送給你們。」文後還附加個心心，Sweet爆！片中兩公婆身穿救生衣，帶上黑超嘅Moka攬到實城城，高調放閃，城城更一面得戚咁載住老婆喺水面打圈，好浪漫呀！尾段的大特寫鏡頭，清楚見到城城一臉滿足嘅開心樣，強壯臂彎仲令老婆好有安全感添，man爆！
