陳瀅展示「出關」短訊否定偷走和好友聚會指控。
「出關」短訊喺5月16已發出。
索爆陳瀅回港準備演出兩個新劇。
返加拿大三周探望最愛婆。
攝於離開加拿大時，不過因為遲咗出Po，5月7日才po出來，才惹來偷走誤會。
事關她喺5月7日在IG出po話告別加拿大，5月8日抵港當日，還在IG的限時動態上載多張照片，顯示身在亞洲博覽館接受深喉唾液檢測。照計算，5月22日她才可自由外出，但她卻在5月20日已和好友飯聚。
陳瀅對此啼笑皆非，還提供通知她「出關」短訊給本報作證說：「我點會咁蠢呀！梗係唔會犯啲咁低級嘅錯誤啦！首先個個都要好認真咁去對待疫情，自己都唔例外，冇可能早過14日偷走；而且一直有手帶監控，亦會視像監察住，FaceTime嚟確定喺屋企，總之肯定居安抗疫呢14日內冇出過去。其實我5月2號一早返咗香港，只不過落機好攰，所以遲咗po圖文，抖足精神先至出po嚟同大家分享落機過程，事後好多人多謝我，話呢啲資訊幫到手，了解到到港程序。所以我5月16日一早可以出關。話我偷走簡直係笑話，真係偷走仲咁張揚，搏畀人拉咩！」至於回港後過兩周要拍新劇《七公主》，緊接拍《飛虎3》。
