東鐵人流擠逼，不時有乘客起口角爆衝突。昨日網上流傳一段影片，一個大媽車廂內對一名少女破口大罵，疑因兒子踩到少女，大媽道歉後少女仍有怨言。大媽暴怒指罵少女，全程爆粗不停，惹來全車乘客不滿，激動得口罩幾次滑落露出口鼻，甚至一度拉下口罩，直到在粉嶺落車仍不斷叫罵。

網民在「香港突發事故報料區」分享兩條影片，第一段影片長約3分半，可見大媽和年幼兒子坐在座位，不斷指罵站在一旁的少女。大媽指兒子踩到少女後，她已代為道歉，但少女仍在抱怨，「呢個死X無收過聲！」車廂其他乘客就勸大媽講道理，但大媽怒氣不減反增，一度直接拉下口罩以真面目示人，「呢個死X無人要㗎！」有乘客加入罵戰，「你又知無人要？」亦有人大聲呵斥大媽停口。

其後一名男子怒斥大媽「收聲」，大媽即「火滾」站起，「你講嘢咁大聲啊？死阿伯！」邊罵邊走向男子「我好蝦㗎？」乘客群起叫大媽收口，她又退回座位，但仍不斷叫罵。一名白衣男子難忍大媽，手持雨傘衝上前作勢要開打，其他乘客立即勸阻，才沒有爆發衝突。

而第二段影片則可見，直至落車大媽仍連環發炮，「係我唔啱咩？係我唔啱咩？」年幼兒子只能在一旁哭喊，有人上前勸大媽冷靜，影片1分41秒結束。

影片引起網民熱議，「隔住個mon都feel到啲口水周圍噴」、「污染香港！呢啲人邊識文明」，亦有網民關注影響年幼兒子，「滿口粗口點教下一代」、「佢個仔應該覺得佢個大媽啊媽好羞家」。