現年40歲林盛斌（Bob）前年曾經「通波仔」，他近日以過來人身份，為香港復康會拍片談心路歷程，宣傳心臟健康資訊。他表示前年得悉3條血管均有阻塞，卻仍未識驚，還堅持開工拍攝，幸得醫生及時阻止，急急接受手術，才逃過一劫：「我記得當時心口翳著翳著，好似畀重嘢壓著，呼吸有啲困難，膊頭、背脊甚至牙骹都痺到痛！」醫生說，阿Bob能夠及時發現病情非常好彩，因爲有研究顯示，多達近七成45歲心肌梗塞患者，發病前沒有典型胸痛症狀，未必察覺危機。

而3個囡囡一聽見爸爸要入院便非常擔心眼，其中一個囡更眼濕濕，令他十分感動。大囡霏霏更以大家姐身份提醒妹妹不要打擾爸爸，手術後，幫手攔著妹妹，為爸爸爭取休息時間：「嗰刻我聽到都有啲眼濕濕，覺得她們大個了，好窩心！」經此一役，阿Bob洗心革面，積極投入推廣心臟健康。

不過，通波仔後並非一了百了，阿Bob笑言，手術後曾經對太太發誓，要努力保護心臟，所以好聽醫生話，服用雙抗血小板藥物4年，以獲得最大保障：「我成世都未試過咁聽話，醫生話食幾耐就食幾耐，開工 、出埠都唔會唔記得帶藥！」