【Kelly Online】買叉燒包無叉燒中伏 網民搞笑抽水:個包消化咗
05月26日
網民在Facebook分享圖片,「買個叉燒包,咬落去仲以為係饅頭嚟,果然係奸商」。只見叉燒包咬開,白雪雪中一點紅,完全不見叉燒影,只有正中間一滴叉燒汁,十足十與饅頭無異。
網民看完都瘋狂抽水,留言令人笑爆,「個包消化咗粒叉燒」、「處女包,俾你咬到見紅」、「咦你留牙血係個包度喎」、「人血饅頭」、「嚿叉燒生咗出嚟啦,依家個包坐緊月」、「樓主就係果嚿大叉燒」,有人就說可能看漏了個「汁」字,其實是「叉燒汁包」。亦有網民分享朋友在餐廳食到叉燒湯意,同樣叉燒少得可憐,更有人搞笑和奶黃包上一點黃作對比。