老友張文慈請栢芝食飯補祝40歲生日，栢芝要悉心打扮赴會。
有人請食飯，又有禮物收，栢芝心情大靚。
張文慈不忘為栢芝自家製品牌時裝大賣廣告，大讚新帽設計好靚。
當晚兩人揀食麵。
Quintus要揀波鞋襯運動服返學，搞到遲遲未出得門口，又想揀珍藏嘅Jordan籃球鞋嚟著。
落雨裝束係粉紅襯淺紫，但點解仲要戴太陽眼鏡呢？
戴住粉色離罩口罩嘅栢芝形容自己係小忌廉，令人莫名其妙。
落雨天揀鞋著，栢芝話有選擇困難症。
限時動態中，Quintus遺傳了媽咪貪靚性格，連穿運動服返學都要揀波鞋嚟襯，搞到遲遲未出得門口，栢芝就催促兒子說：「唔使揀啦，返學啫！唔好諗咁多嘢，唔係shopping，遲到啦！」Quintus睇咗一輪，本想揀珍藏嘅Jordan籃球鞋，卻被栢芝制止：「先生！呢對not for sale only」，Quintus提高聲音扭計話：「don't care！」而栢芝都唔弱，昨晨冒住大雷雨駕車送兒子返學前，她自拍說：「怕淋雨會攝親，會有頭風，所以戴咗頂紫色冷帽，襯淺紫色衫，粉紅色口罩加粉紅色手袋(名牌包包)，今日有個難題，諗唔到着乜鞋，大家話我襯邊對鞋比較好呢？」不過，栢芝戴嘅口罩太大，簡直離晒大罩呀！
又食又拎好開心
忙完一天，晚上應教會好友張文慈（Pinky）邀請補食生日飯，戴住黑超及自家品牌漁夫帽及防疫風褸的栢芝笑晒口，心情十分開朗，她在IG再出Po說：「收完禮物仲請食飯添！」而Pinky也出Po留言：「補祝栢芝生日快樂，遲來的祝福～wish u all the dreams come true ❤」她不忘為栢芝自家製品牌時裝大賣廣告：「看到栢芝戴的新帽設計，好靚喎！我又要」！栢芝回話：「感謝您多謝你的祝福，也希望你同樣得到無限的祝福！」
