一眾《降魔的2.0》演員包括劉佩玥(Moon)、胡鴻鈞及譚凱琪等出席抗疫物資捐贈儀式。最近阿Moon被影到獨自摸上周志文屋企密會兩小時，阿Moon回應說由細到大都會去朋友屋企玩，好正常。問跟周志文孤男寡女玩啲咩？她否認是孤男寡女，指周志文與父母一齊住，大家不要放到咁大去睇，她亦有去周志康屋企跟他女兒玩，無論男女同事屋企都會去。