除了照顧家中小童及長者以外，不少港人亦會要求外傭幫忙放狗。然而，有網民在網上發文指，一名外傭每日放狗時亦會將狗隻綁在樓梯欄杆上，自己則在旁邊講電話，任由狗隻在炎熱的天氣下「乾煎」。相關帖文隨即引起網民熱議，並留言批評。

一名網民在Facebook群組「西環變幻時」發文指，每日在上班及下班時，亦會在聖士提反里附近看到一名外傭放狗，但指她基本上只會將該隻布爹利綁在樓梯欄杆，而她本人則在旁邊講電話。網民續指，該外傭有時會將狗繩綁在欄杆的較高位置，令狗隻無法坐下，並不禁在帖文中直言，「大熱天時咁樣乾煎唔知幾耐，真係好唔人道」，並呼籲若有人認識涉事狗主，希望可代為告知事件。該網民亦在留言中補充指，該狗隻不但乖巧，亦甚為親人。其後，該網民更新帖文指，「有朋友話狗狗主人已經知道情況，我亦會繼續留意住，唔該晒大家🙏🏻，西環街坊都好愛護動物，同我以前住嘅區好唔一樣，好開心咁多人關心佢哋。」

不少網民則留言批評相關行為，並直言「點可以咁過份」、「好慘」、「狗狗好乖好可僯，喺屋企好過出街」、「好過份呀！」，亦有人留言指「希望佢主人睇見」、「希望佢主人嘅朋友見到話返俾主人聽啦」等。另有網民指，每日晚上7時經過相關地點時，亦會看到相關情景，並指自己曾上前告知對方不應將狗繩綁得太高，但指對方只是「好假咁微笑， 但之後第二日又係咁」。