疫情下市民都提高衛生意識，不過公共交通工具上噁心事跡仍屢見不鮮，有網民就在巴士座位上驚見一塊衛生巾（M巾），而且是用過帶有血跡，震驚大批網民。

網民在Facebook群組分享相片，「邊個跌咗嘢快啲認咗佢！」只見一塊M巾被丟在巴士座位上，而且有血的一面向內，與座位親密接觸，場面震撼之餘令人摸不著頭腦。

網民都大呼嘔心，「坐咗落去行十年衰運」、「真係見到想嘔」，更覺得百思不得其解，「到底點解會跌到出嚟？十萬個為什麼」、「咁都跌得應該好耐冇換冇哂黏力」、「呢個分明唔係跌咗啦係專登」。