林文龍身為亞視副總裁，他以男主角身份出席下周開播的無綫劇集《那些我愛過的人》宣傳活動，還字字珠璣主導整個記者會，結尾更跟無綫電視副總經理杜之克來個世紀擊拳。他又率先打開亞視大門，表明歡迎跟不同娛樂平台合作。

劇中林文龍跟黃翠如有感情線，司儀區永權問到二人合作點滴？林文龍說：「我喺翠如身上學到好多嘢！」翠如不甘示弱，笑說：「多謝你喺友台過嚟幫手宣傳。」林文龍：「咩友台呀？Cable（有線電視）呀？係喎，你（區永權）都係Cable㗎喎！」瞬間空氣凝結。翠如打圓場分享跟對方拍攝點滴，當然少不了笠高帽。林文龍即說：「Cable出嚟係唔同啲，推晒畀我賭一鋪，如果好，咪贏囉！」