黎耀祥、海俊傑、曹永廉及韋綺姍將於《萬眾同心公益金》大唱經典歌，4人進行採排時，黎耀祥被問跟唱家班合唱可有壓力？祥說：「有啊！開頭我打算唔唱，後尾知道唱經典歌，咁我登台都有唱過，放心好多。」
祥仔在即將播的劇集《殺手》中打戲甚多，操練出一身肌肉。問到是否同樣期待？他說：「期待啊！劇入面識打嘅演員都打過晒，套劇夏天拍到冬天。仲記得彎低腰綁鞋帶，汗水好似開水喉咁滴落地。」
海俊傑最近拍攝新劇《陀槍師姐2020》，拍攝打戲時多處受傷，最近更不慎被打爆左眼角。兩人入行多年，都明白拍攝打戲都會有擦傷及瘀傷，56歲的祥仔笑說：「但係我諗極都唔明，點解要我哋呢啲年紀嘅演員去做！呢啲唔係後生嘅專利咩，我哋做教練咪得囉。」