馬明同好姊妹靚湯拍拖，黃心穎向前度送上祝福。
當日湯洛雯為心穎慶生，心穎曾發文感謝好姊妹。
3年前馬明和靚湯合作拍《心理追兇 Mind Hunter》，劇中飾演一對情侶，有唔少親熱戲。
黃心穎冇工開，唯有湊B。
好有愛心領養小狗，望能洗底。
黃心穎解凍冇期。
黃心穎喺「安心事件」後去咗美國避世8個月，及後高調喊爆回港。
靚湯接收晒心穎工作及男友，喺《法證先鋒IV》補拍心穎戲份。
馬明同靚湯分別喺社交網站晒頭貼頭小馬認愛。
事隔一年，網民依然唔原諒心穎嘅過去。
Previous Next
「安心偷食事件」後，揚言絕對唔會再搵貪慕虛榮「港女」嘅馬國明，痛定思痛，經過一年多精挑細選下，終於同黃心穎好姊妹，33歲上位小花湯洛雯暗撻兩個月，現年46歲鑽石筍盤馬明終於封盤。舊愛黃心穎短訊回覆，大方向馬明送上祝福：「我祝福佢身體健康、平安。佢私人嘅事留番畀佢私人。」

 

黃心穎喺「安心事件」後去咗美國避世8個月，有指心穎喺美國期間，曾多次向馬國明發短訊及以視像電話箍煲，馬明都一度有心軟過，只不過遭馬明媽媽極力反對，孝順仔聽阿媽話決定斬纜，後來才改以「朋友」來形容同心穎關係。心穎人財兩失，即使返港後依然未能「解凍」重見天日，唯有拍些帶有正面訊息嘅片放上網保持人氣，兼且乘機洗底。

 

無論劇集及男友，黃心穎被好姊妹湯洛雯全面接收！唔少網民戥馬明搵到真愛感到開心，送上祝福說，「祝福兩人無風無浪，恩愛到老！」亦有大讚兩人好合襯外，有網民抵死留言：「千祈唔好學啲姣婆，人前一個樣，人後偷食人夫。」睇嚟始終原諒唔到黃心穎嘅過去。