林作宣布上月二手店名牌店，成功出售了85件貨品。
另類男模林作親自示範二手衫。
林作話唔明，點解顧客買袋附帶條件要他簽名閃卡。
林作送祼照益顧客。
林作為女助手慶生。
「作女郎」kristy激似前度麥明詩。
林作拍片鬧爆麻煩客人，仲公開埋對方個人資料，揚言話好鍾意同你玩！
不過，過程上都有唔少麻煩客。昨日林作就發咗條粗口鬧人訊息，除cap咗個客圖像，仲公開對方電話及居住屋苑名稱，第一次嬲成咁。點解咁火，他喺片中解釋：「呢個客人幫襯咗一個手袋及一對耳環，交易完竟然話唔係真品，我親自覆佢，要求同佢去中環專門店驗證，佢又唔夠膽，但堅持要求退款，究竟係我誠信有問題，定係佢心理有問題，買嚟玩嘢？大家心知肚明，你唔滿意貨品唔緊要，可以退款，但誣蔑我林作放售唔係真實貨品，我同同事真係無法接受，呢個係對我哋人格一個侮辱，所以截圖嚟公開，如果我有更多佢嘅資料都會搵埋出嚟，我更警告其他客戶，唔鍾意件貨品可以同我哋傾退貨，但唔可以誣蔑我哋放售假嘢，而我，好鍾意同你玩！亦歡迎你哋放馬過嚟。」
林作接受本報訪問時，強調經他查證，忍無可忍要下第一次公開讉責個客：「咁過份，全心嚟人生攻擊，呢啲一定要搞，我哋企得住腳。我唔怕因為咁趕客，我哋大把客，使鬼要呢啲咩！我有個有錢仔客，一日買一個，一周買七個袋，送去唔同地址畀女，亦有女士不停係咁買，當然有啲客好麻煩，比如話個袋有原子筆痕，要求大幅度減價，但公開讉責呢個係最過份，喺客人身上反映人性，不過，冇打沉到我，我有助手負責打理，除非特別情況先親自出手，我反而覺得玩得好開心，好減壓，因為係我打沉呢啲人，同人喺網上嗌交係超級減壓嘅事，因為大家都會咁做，呢啲先係打成一片嘛，人生好玩，一切都係體驗。」
