馬國明跟湯洛雯（靚湯）戀情昨晚曝光後，二人瞬即於ig同步認愛。今早馬明春風滿面現身化妝間，為劇集《BB大晒》開工。他坦言跟靚湯早有共識，若被拍攝到便會公開認戀。
對被同以獨角獸牽著小馬手臂照片認愛相當有心思，馬明說：「係佢（靚湯）整嘅，佢好鍾意獨角獸，咁小馬大家都明啦。但張相影咗好耐，我哋都有共識，幾時俾人影就幾時講啦，咁我哋都好隨緣。」
問二人拍拖多久？馬明坦言已有一段時間，說：「拍完《心理追兇》之後唔係好多聯絡，直至最近，唔知點解好自然傾返開偈，好似幾啱傾喎，可以發展下。」