馬國明與湯洛雯認戀後，今早返電視城開工。談到昨晚被拍到拍拖斷正，二人均神態自若，馬明說：「係啊！我地好自若㗎！因為之前有共識，幾時影到幾時講，無端端自己講又覺得好奇怪，好似做新聞咁。所以有呢一個共識，我哋都無避忌，其實我哋喺公司成日食飯，大家開緊工但係隔離廠。如果心水清會覺得奇怪，佢又放低劇組，我又放低班劇組，兩個人一齊食飯。咁無咩人問，我哋咪繼續囉，從來都無避忌。」

獲讚此共識相當成熟，變相關係亦十分成熟。馬明說：「所以我都話，覺得係幾啱嘅一個人，大家私底下都覺得幾啱，所以先有呢個共識。如果大家好唔明確嘅話，當然唔會有呢個共識啦！我都年紀唔細啦，我成日都話唔會呃大家，係幾時到個位置。」