本港的新冠肺炎疫情反覆，市民出街仍需要佩戴口罩，但未必人人尤其是基層人士可以負擔口罩的費用。一名港爸在Facebook群組「口罩分享區」分享一段感人故事，指他乘搭輕鐵期間，遇到一名年約50多歲的中年男子，將自己所戴僅有的成人口罩讓給約8歲的女兒使用，但成人口罩對女童略嫌過大、以致口罩「鬆垮垮」，目睹過程的港爸便送上身上最後一個後備口罩，並教導對方將耳繩打結。該名中年男子見狀即著女兒道謝。港爸續指，留意到該名女童身上的衣物「都幾污糟吓」，估計對方家境較為貧困。

港爸續留言:「出呢篇文唔係想話畀人聽我送少少口罩畀人我有幾叻，而係想呼籲多啲有能力嘅人可以主動啲去幫助有需要嘅人」，「唔好睇小一個口罩，雖然只係幫人一個口罩，但可能你會救返一條人命！」事主並概嘆自己平時跟兒子外出時，均會帶備多個兒童口罩以備不時之需，「咁就可以送多幾個畀佢」。

Ohpama授權轉載