「古」有「大文豪」周柏豪打碎玻璃杯晒潮文，今有索人妻孫慧雪（阿雪）爆廁所玻璃門，但她卻未有如前者般撰寫感性短文，或用15分鐘去欣賞碎玻璃的美態，只係貼出滿地玻璃碎的照片，並留言：「多災多難⋯⋯繼上次客廁熱水爐爆水、然後到主廁爆水，兩次都爆到瀑布咁，今次最金，因為今次係玻璃瀑布，成個玻璃幕門爆咗，姐姐成手血，我哋成腳血」又Hashtag「希望明天會更好」、「早抖」，一眾網民睇見都好擔心，好在阿雪表示無人受嚴重嘅傷，大家只係踩到啲玻璃粉，兩歲囝囝Riley亦無事，仲話決定換走晒啲玻璃，轉用膠門。