Super Girls成員李靜儀（Heidi）早前夥麥子樂、陳曼娜（Manna姐）拍攝網絡短劇《如何對付我的港女新抱》，劇中Manna姐與新抱Heidi大鬥法「爭寵」，非常搞笑！對於首次跟Heidi合作，Manna姐對這位後輩讚口不絕，她說：「如果我有咁靚的新抱就好，真係靚到不得了，子樂都唔錯，有智慧。」聽罷麥子樂即說：「唔錯？其實我都唔弱，我有埋外型，全部都係胸肌、腹肌。」問到最難忘的一幕？Heidi表示：「有一場戲我特別深刻，就係綁住Manna姐，要懲罰你，不過呢一幕在劇中係我幻想出嚟，我自己好開心咁幻想。」Manna姐就說：「如果係真就大整蠱，呢個新抱幾百厭。」