復出嘅安仔揚言會用誠意畀人知道，他會勇敢面對同承擔，一定比過去做得更好。
記者會上，安仔神態自若，有問必答，無Hea答，在場傳媒都覺得係舒服嘅。
好友Joey Tang都嚟畀定心丸安仔。
「安心」事件後，安仔體會到家庭的重要性，同心穎已冇聯絡。
Sammi：「老公你幾時返嚟？我同Lucky屋企等緊你呀！」(設計對白)
「安心」事件後，安仔曾開記者會喊爆道歉。
發生咗「安心」事件，馬明搵到個啱佢，簡簡單單嘅真愛湯洛雯，全城都戥佢哋開心，馬明反而係嬴家。
心情緊張
剪了頭髮精神奕奕安仔面對半百傳媒訪問，明顯變得緊張，首先談到：「今日好開心出嚟，最主要經過呢段時間，自己嘅沉澱、反省、學習，覺得自己成長咗好多，喺呢段時間確實有HARD TIME，但每次面對自己，都反問自己起點喺邊度？會好盡力咁向前望，今日係一個好timing出嚟好好去學習、面對自己。」但承認緊張到瞓唔着。
勇敢承擔
安仔續說：「喺呢段期間花咗好多時間陪屋企，屋企對我好重要，我好努力咁去裝備自己，做運動、睇書，好好鍛鍊自己。我亦都深深去諗未來應該要點行，所以今日喺呢個時間出嚟見大家，嚟承擔返我之前講過嘅嘢，喺呢年幾時間入面畀自己靜思己過，我𠵱家裝備好，係時間出返嚟，就決定重新出發。咁耐冇出嚟，都有問自己係咪ready好？太太都有同我講：『要100% ready、有信心、內心心態要正面、出嚟時要真心，畀人知道要勇敢面對同承擔。』不過，我見返咁朋友，真係有啲緊張。」
