一張蛋糕相，令方力申唔覺意自揭舊史。
張瞻話咁快13歲。
疫情期間，張繼聰長留在家陪仔女玩同讀書。
去年尾謝安琪喺紅館開Show，張繼聰帶埋仔女捧場。
張氏夫婦經常帶囝囝去睇老友開嘅演唱會。
張瞻好易妹妹，一家人好鬼似樣。
Previous Next
尋日係張繼聰同謝安琪大仔張瞻（James）嘅13歲生日，一家人食蛋糕慶祝應該好開心，大隻老竇貼咗張蛋糕相到IG並留言，「Happy birthday my boy ❤️」，但一件溫馨事瞬間變趣事，事關方力申見到張瞻話咁快13歲有感而發，「Time flies， 我仲記得喺你音樂會我拋高Jim Jim 被你家人黑面叫我唔好。」阿聰回佢，「你咁大隻，拋到二樓咁高。」完全係有聲Post，咁究竟黑小方面嘅係張家邊位家人?張太自己揭曉，「that’s my mom。」最尾仲要加個無眼睇嘅Emoji，成件事好有畫面亦好好笑。