陳奕迅（Eason）今日喺社交平台上載新一輯《Mama with me》嘅短片，並以「英國留學的恐懼」為題留言，「咪睇我好似好大膽，想當年要去英國升學，我真係好騰雞㗎……」還自爆曾被外國同學塞入膠筒內欺凌，但又覺幾好玩。

Eason在短片開始先交代當時11、12歲的自己為何最初堅持不去英國讀書。他指當時經常有愛爾蘭共和軍施襲，在火車站、機場等的公眾地方放炸彈，因此跟家人直言很怕死、到英國一定會被炸死。經過家人不停安慰和游說，哥哥親自由英國返港帶他到當地，陳媽媽又特別租住其寄宿學校附近的旅館，陪伴他2至4個星期，大派定心丸。Eason大讚媽媽真的很偉大，知道她當時很辛苦，隨後他就由害怕變成愛上英國。至於為甚麼可以衝破關口？Eason謂：「我諗，就係家人嘅愛，媽媽同哥哥對我嘅寵愛，仲有爸爸，係家人嘅支持。」

遭欺凌覺得好玩
Eason又指哥哥Jason在學校是一個型人、很有份量，大家知道他是Jason的弟弟都會respect，事關萬一有外國同學欺負了他，說不定會受傷。不過Eason也曾經試過被欺凌，曾被同學將他整個人屈曲，把屁股塞進膠筒，要把整個膠筒弄倒，才可以慢慢爬出，看似慘痛的經歷，沒料到Eason竟說：「雖然有被同學欺凌，但我卻覺得其實幾好玩嘅，咁樣只係會令我更有幽默感。」