影壇小鮮肉吳肇軒、胡子彤、朱鑑然和林家熙好老友，早前仲孖住一齊去沙灘Camping，天氣咁熱，運動員出身的胡子彤和朱鑑然梗係要除衫晒肌啦，不過睇勻成輯相，唔知係怕俾蚊叮？抑或怕身材被比下去呢？吳肇軒和林家熙就全程都好密實。事隔1個月，昨日吳肇軒忽然於IG貼出一張赤裸上身瞓喺帳幕的相，雖然兩點同腹肌都巧妙地遮晒，基本上都冇乜嘢睇，但他揚言：「向胡子彤學習，早日成為露體魔人。」相信是打算努力操肌。