變變變生命力，現年28歲的鄧紫棋（G.E.M.）可謂女大十八變，話說初出道的時候充滿Baby Fat，不單止面仔脹卜卜，個鼻仲又大又圓，不過隨住時間流逝，G.E.M.開始改善飲食習慣同健身，近年終於成功練出Fit爆身材，就連五官輪廓都唔同晒！昨日，她於IG貼出數張新近照，相中穿透明高跟鞋的G.E.M.留言：「昨晚都以為我赤腳是嗎⋯」不過，有網民卻放錯重點，事關她本來圓碌碌的鼻變得又高又直，鼻哥窿都細到好似「消失」埋，令人即時聯想起《哈利波特》嘅大反派「佛地魔」！究竟係P圖P過龍？抑或妝化太濃呢？有網民就留言：「鼻子好怪」、「鼻影太重手嘅感覺」、「@化妝師 以後鼻影下手輕一點」。