最近陳奕迅（Eason）活躍社交平台，之前上載一輯《Mama with me》的短片，並以「英國留學的恐懼」為題留言，講當年唔想去英國求學，還自爆曾被外國同學塞入膠筒內欺凌，但又覺得幾好玩，被欺凌反而增添咗幽默感。

藉住今日係父親節，Eason又應吓節喺網上發功喇！雖然陳奕迅經已係爸爸，但都出名鬼馬，他上載了兩張照片，除咗咬唇樣外，仲用App變老成為「老臣」，相當搞笑，留言：「祝各位老竇永冇巢皮～完。」網民驟眼睇也嚇一嚇，不過，父親節最緊要快樂。