黃芷晴除上載兒時同華哥合照外，仲為父親炮製一桌美食，似模似樣咁，但食物配搭就有啲奇怪。
兩年前父親節，黃芷晴曾上載昔日一家三口相。
黃芷晴兌現向亡母許下的承諾，會好好照顧黃日華。
黃芷晴剛丁母憂，十分傷痛。
兩父女都好疼愛好媽媽梁潔華。
曾答應亡母會好好照顧父親的芷晴兌現承諾，父親節為父親炮製一桌美食，包括有酥炸冬菇、北菇焗雞飯、鮮果沙律、雞肉紫菜卷、燒鴨等，都算做得有板有眼，明顯花咗唔少心機同時間。
同時，她又上載與父親的兒時合照，並留言：「父親節快樂！永遠響您身邊支持您！身體健康開開心心我煮＃我會努力學煮飯＃但比少少時間我煮。」用行動告訴天上的媽媽，父女二人會繼續努力生活。唔少網民留言華哥父親節快樂為他打氣，又有加油表情符號，還有人留言：「有女如此，夫復何求！」、「姐姐加油，支持及同情你！」最搞鬼竟有人疑問：「燒鴨都識(整)？」
