胡杏兒大仔Brendan跳舞個樣超落力，真係好得意。
Brendan啲舞姿真係冇得輸。
杏兒笑囝囝加埋少少自創嘅霹靂舞。
日前杏兒一家四口先慶祝完細仔Ryan一歲生日。
杏兒兩個囝囝兩歲多嘅李奕霆（Brendan）同一歲嘅李奕霖（Ryan）一樣咁得意。
Previous Next
胡杏兒早幾日一家慶祝完細仔李奕霖（Ryan）生日，呢日高人氣嘅大仔李奕霆（Brendan）又有精彩演出，話說兩歲多的Brendan呢排愛上載歌載舞，而且仲變成Kpop粉絲，只要一聽到名曲《Gangnam Style》佢就會自動波跟住跳，杏兒仲將Brendan嘅精彩演出片段公開，留言：「Brendan最近嘅最愛❤️，Gangnam Style，佢最鍾意做sexy lady嗰part，再加少少自創嘅霹靂舞，佢應該唔係遺傳咗媽咪，唔通係爹哋？，多謝潮凱叔叔，志文叔叔同嘉莉姨姨3個嘅旁述」睇嚟一班老友楊潮凱、周志文和傅嘉莉應該去咗杏兒屋企玩，邊睇Brendan嘅精彩演出邊旁述，真係好有現場感㗎！