馬國明與湯洛雯（靚湯）大方認愛，靚湯仲自爆去到已見雙方家長嘅階段，仲話爸爸湯鎮宗對馬明讚不絕口，畀足100分，媽咪都安心交出個女！因為他真係對家人好好，早已緊張問定，快將生日的媽咪喜歡甚麼？

 

昨晚靚湯在IG post出一家四口開心合照，留言Happy birthday mum。相中壽星媽V晒手，擺出勝利甫士，靚湯和細十年的高材生索細妹湯洛瑤（Cassandre）雖然守喺父母身後，但依然養眼，現場仲有生日蛋糕、花束及We love you汽球，相當有心思，已融入湯家嘅馬國明只係做攝影師，所以全家福照入面未見有佢份！有佢嘅就只係留返嚟私人珍藏，冇公諸同好。而昨晚馬明去咗無綫新劇《BB大晒》煞科宴，以有工作為由，來去匆匆，約8時30分離開，原來趕住赴會，同未來外母慶生，真鬼馬。

 

網民大讚湯洛雯同媽咪係餅印母女，好靚，似兩姊妹，又追問點解唔見馬明？張相係咪由馬明影的？看來大家都好關心及接受馬明和靚湯呢一對。