林盛斌（Bob）家有三女一子，大女林霏兒（Faye）已12歲，開始有自己的社交生活。Bob今日在社交網貼上一臉既怒且憂的表情，跟霏霏舉起勝利手勢的照，兩父女心情明顯成強烈對比。
Bob留言：「諗住今日一家大細去游吓龍舟水，點知佢話約咗同學出街，仲問我可唔可以車佢去............我估計唔到將來佢話要出去拍拖我會點反應！」
胡定欣都忍不住激多次Bob，留言：「佢係咪同『男同學』岀街呀⋯⋯其實🤣😆」，搞到Bob喊住說：「唔好激我啦😭😭😭」；有網民就話「你有三位前世情人有排你擔心」。