呢幾日個個都玩變臉App，好多藝人都搵到「世上另一個我」，或者失散咗嘅細佬妹咁，以為留守香港嘅藝人玩得咁癲，原來正身在台灣開工嘅黃秋生一樣癲埋一份。佢噚日朝喺社交平台放咗第一張變臉相時，雖然有好多人Like，但回應就麻麻地，譬如話：「嘩，端午節搞啲咁嘅嘢，嚇死人咩」、「可以拍港產“愛生事家庭＂」不過到夜晚秋生再來一張就不得了，因為真係堅索，有網友話：「我媽話張相似苗可秀ar」秋生仲有親身回應話：「有D似」，難怪短短3個鐘都吸了過萬個Like。



除了秋生成功「變性」外，羅敏莊一樣「變得更加好」，佢出Po兩張變臉後靚相，嘩！真係靚仔到冇朋友，所以連佢自己都忍唔住話：「我睇到自己都心動#faceapp#科技萬歲#流口水#ilovemyself❤️」