昨日端午節，不少人選擇去沙灘游龍舟水，不過天王郭富城（城城）的太太方媛（Moka）就帶埋長女「大寶」Chantelle去學包豆沙糭，事後她於社教網上載影片公開製作過程，片中戴上口罩的Moka一邊倒糯米、紮糭，一邊對住鏡頭講解，不過條片放咗上網後變咗靜音，網友唯有當睇「默劇」啦。而身旁細細粒、頭綁蝴蝶結的大寶，着住圍裙、拎住個湯匙眼尾都冇望過媽咪，自己喺度玩手仔又搞吓糯米，非常得意，勁錫囡囡的城城睇見都即時俾Like，一眾網民就紛紛留言讚大寶可愛又乖，唔知最終城城有冇試到阿女手勢呢？