本月29日係連詩雅（Shiga）32歲生日，繼早前她獲好友陳自瑤、黃翠如提早慶生後，呢日再獲大班同門好友周柏豪（Pakho）、梁諾妍、黎紀君等，還有一眾公司同事及她的中學朋友，齊集為她提前慶祝，獨未見緋聞男友陳家樂蒲頭。生日會以粉紅色為主題，無論食物、擺設和佈置都好粉嫰，壽星女驚喜到嘩嘩聲說︰「嘩！人生冇試過咁surprise，超級surprise，完全冇諗過咁呀！」她又對好姊妹黎紀君說︰「本身兩個人過生日，點知全部都係我啲中學朋友，你都係好厲害，喊死我！」

現場除咗有美少女戰士造型公仔蛋糕外，黎紀君還送贈粉色玫瑰花束，好戲在後頭，男神柏豪即席為壽星女獻技，彈琴伴奏生日歌，炒熱全場氣氛，眾人跟住大唱中文版生日歌。連詩雅開心留言回言︰「勁呀﹗老師同麥兜一班同學唱生日歌﹗Thank uuuu love u broooo.」

梁諾妍及連詩雅均在社交網分享片段，柏豪寫道：「Happy birthday 629 @shi_ga Love you my dearest.」連詩雅感激回應 ：「Soooooo muchhhh loveeeeeeee 感謝你！」唔少網民留言預祝連詩雅生日快樂，還有要求柏豪可否寫首新歌比shiga ? 或者你地出首合唱歌。