余香凝嘅女仔朋友同佢預祝生日搞到咁浪漫，難怪令一直恨嫁嘅佢諗多咗啦！
相信余香凝其中一個生日願望，應該係同搵男朋友有關。
呢個朋友都算唔話得，知余香凝呢排單身就頂一頂扮住佢男友先。
呢個維港日落景，真係浪漫到暈呀！
日前余香凝就係Po呢張泳衣相，搞到畀網友話係「象腿」。
余香凝話呢排日日切蛋糕，真係冇講錯㗎！
另一個壽星女朱千雪，就有好姐妹岑杏賢和蔣家旻等陪佢慶祝。
Previous Next
呢排真係好多靚女生日，好似啱啱前日即係6月28日32歲生日嘅朱千雪，佢仲有一班好姐妹岑杏賢和蔣家旻等陪佢慶祝。而早前Po泳衣相，被網民寸「象腿」的余香凝亦獲老友預祝7月5日27歲生日，而且仲揀咗間望住靚靚維港景，好鬼浪漫嘅餐廳食生日飯，難怪佢認唔住留言話：「好幸福嘅樣子，有一刻以為係男朋友，第一次收女仔花#日日切蛋糕#7月5號先生日」。不過，唔知係咪上次「象腿事件」搞到余香凝有啲唔開心，呢幾日網友留言都好識做，不時讚佢瘦、靚同索咁，似乎希望𠱁番佢開心喎！