現年36歲，擁有32D、24、35魔鬼身材嘅蔡宛珊（Sarika）經常喺社交網站派福利，繼日前喺IG，貼出兩張S形屈身喺浴缸浸牛奶花浴相片，仲留言：「天氣咁熱，可以浸返個牛奶花花浴就正啦！」火辣辣相一出，獲網民大讚好靚、好索、性感程度是犯規級數、好熱…連她所屬嘅經理人公司老闆林盛斌（阿Bob）都忍唔住留言：「下次叫埋我吖嘛！」做慣主持人嘅Sarika好有急才回應：「咁要多一個浴缸先得喎！」

 

既然Part 1有咁好反應，Sarika昨日再追加更大膽更激嘅裸照，相中她平躺地上，上身僅以白色薄紗輕蓋，三點重要部位若隱若現，令人想入非非，而祼露嘅腰背至臀部位置曲線玲瓏浮凸，性感迷人。她留言：「呢個pose其實唔易擺，少啲腰力都唔得。」網民大呼「流晒鼻血」、「你咁搞，鼻血都流乾呀！」、「受咗乜嘢刺激」、「wow wow wow好性感好美」、「女神愛麗斯亦不外如是」，甚至有話「流血不止！」