曾經喺情場失意嘅46歲馬國明，自從跟33歲湯洛雯撻著後獲全城祝福，兩人有影皆雙，愛得高調，除咗近日IG頭像都換埋「定情公仔」獨角獸和小馬頭像外，更愛到融入埋對方嘅朋友及生活圈，昨晚馬明便帶湯洛雯出席手錶太子女楊茹庭（Sean）的飯局，同場還有藝人林景弘（前名：林遠迎），席間齊齊嘆茅台酒。

相中馬明同靚湯身穿黑色情侶裝亮相，有愛情滋潤下馬明容光煥發，靚湯就笑容甜美，兩人眼神一致，Sweet到爆。