姚子羚、胡定欣同李施嬅嘟晒咀合照。
姚子羚揸埋筷子合照，真知佢哋約咗食飯啦！
同好姐妹食飯前，李施嬅去咗尖東海旁影靚相。
李施嬅仲留言話，快樂其實好簡單，絕對係啦！
上次「胡說八道」齊腳，已經係5月尾啦！
Previous Next
「胡說八道」成員好感情就係人都知，雖然佢哋好鍾意團體活動，但有時未必約齊人都一樣可以玩得好開心，好似呢日就只有姚子羚、胡定欣同李施嬅一齊去食飯，姚子羚貼出三個好姐妹一齊嘟晒咀嘅合照，仲留言：「Always happy to see you girlsss…」能夠喺圈中維繫到真係唔容易，真係要好好珍惜呀！